MADREÑES CASINES
Si quiés traer los pies secos
y ferviendo too siguío
con madreñes y zapatilles
eso ya ta consiguío
P'a pasar un buen inviernu,
calentín, sin ponete malu;
isti conseyu te do-y
que si quiés, puedes tomalu.
D'un cachucu de maera
de fresnu, castañu o nozal
nun hay calzáu más ecolóxicu
con el que te pueas topar.
Aunque yera un oficiu
casi en peligru d'estinción
paéz que se ponxo agora n'auge
con esta nueva xeneración.
Siempre fueron amañosos
p'a faceles los casinos,
y atopes un par o más
peles cases de los vecinos.
Fáenles personalizaes
del Sportín, del Madríz
o si quiés con el to nombre
cualquier cosa pués pidir.
Andamos buscando fuera
y ta too a la puerte casa,
con la llegre y un hachucu
y maera de la mata
De les mates de Caliao
que tienen munchos castañeros,
un recursu natural
que naz al llau los regueros.
Raquel Gutiérrez Álvarez, La Cuesta Riba (Tolivia)
0 comentarios:
Publicar un comentario